وظائف









مشوار فلسطيني?

شاطئ قيساريا والآثار الرومانية
Caesarea


جامع قيساريا




سياحة حول العالم

متحف الحياة الشعبية ومتحف الأزياء الشعبيّة في عمان، وسط البلد









 
بشكل شخصي وكتير لأ ..
2011-02-13

بشكل شخصي وكتير لأ ..
يمكن في منكو فاهمني, وقسم مفكرو انو فاهم, والباقي اكيد لأ ..
عندي شعور أكبس على كل كباس على لوحة الكباسات ..
عندي شعور أنو أرجع وأقول لحبيبتي مصر الله ريتو ألف مبروك ..
عندي شعور بالإشتياق, يا جماعّة اشي رهيب ..
عندي شعور بالحزن القصير, وبالفرح الضائع المتأمل عن قريب ..
عندي شعور أعطي, أشارك, وأحكي كثير ..
عندي شعور انو ارقص عَ شي غيمة عَ صوت المطر المتساقط تحتي ..
عندي شعور بالبيتوتيّة أسمع جورج, دام, توت أرض وأوصل لمكادي نحاس ..

بمّا انو بكرا عيد الحب يا جماعة .. ( بالرغم من عدم ايماني بهذا العيد) بس كل عام وكل اتنين معيدين ..
قاعدة بفكر, ليش فيش عيد " عيد فلسطين" ؟
ليش الناس بتذكر عيد الحب, وبإنتظاره كل سنة, وقلائل بعرفو وينتا "نكبة فلسطين" ..
عندي 563 صديق/ة عالفييسبوك, كميّة الستاتوسات عيد الحب الموجودة قرفتني, ما شوفتش لمّا تحررّت مصر انكتبلها ستاتوسات هيك ..
شو فايدة العيد لمّا انا مش متحرّر ؟
عيد الحب بقدر اسميه, عيد الكذب والخفيّة .. بيجي بكرا البنات بلبسو الأحمر وبقولو لأمهن, ماما انا اليوم بعد المدرسة راح أتأخر رايحة أدرس عن حنين (اسم مستعار) كل النهار.
وبتروّح هالبنت من المدرسة بكون "حبيبها "منتظرها بال".بي,.ام.دبيليو" وصحباتها بغطو عليها من ورا لحتى ما حدا يعرف, مع انو كل القرية بتكون عارفة ما عدا اهلها.
وطبعا استغلال الشاب للبنت بهذا اليوم اشي رهيب. بديش أتطرق للموضوع.
وطبعا بشي مرحلة, كل السيط بنزل عَ بنات عكا, لأسباب غير مفهومة.

حزين الي اشوف وأسمع قصص حزينة بعد هذا اليوم ..
حزين أعرف انو في صبيّة من داخل الخط الأخضر, صرلها تنتظر رؤية حبيبها المنتظر خارج الأخضر من سنين.
وكمان حزين لمّا يقولولي, فلسطين مش كل شي, ليش بتفوتيها كل محل؟
لأ, فلسطين أولاً وفلسطين اخراً.
ولو بطلّع بإيدي أكسر الجدار بكرا, وأوزع عَ كل طفل محاصر بأراضي فلسطين قلب أحمر صغير وشقفة من الجدار المحطم, عشان أعطيه شويّة أمل, وشويّة من طعم الحريّة ..
بعد هيك, بكون أول منتظرة لعيد الحب ..

" كل ما انا مش متحررّة, انا مش حرّة"
"وكل ما انا مش حرّة, انا ما بقدر أعطي"

وأنا لمّا بحب, بحب كل يوم, مش بحاجة لأعياد حب.
وللتذكار ..
بحبك.
جوجو أبو حميد



فالانتاينز دي

                                                                                                                                                                        

2011.02.14 10:59
غدير -
مشتاقه
Klamek mn dahab ya 7ob<3..Lw bs kol bn2adm ykon 3ndo 3om2 ele7sas 2ele enti wasleto..B7ebek elyom,Bokra wll2bd! Lw yzol 3ed el7ob wkol el23yad wteb2e enti,el7bayeb w2rdna el3'ale lkont 2s3d bn2adme 3weje el2rd! B3sh2 ro7k ya amere:*

                                                                                                                                                                        

2011.02.14 13:32
islam - akka

ra2e3a sde2tee<3 2ela el amam

                                                                                                                                                                        

2011.02.14 15:12
Zoie -

وانا كمان بحب..وحبيت كتير اللي كاتبتيه, وحبيت اني أقرألك لأول مره بس يا ريت ما تكون الأخيرة.

                                                                                                                                                                        

2011.02.14 18:08
-

جميل و معك حق كل يوم لازم يكون يوم حب مش بس هاليوم


لإضافة تعليق

الاسم:     

البلد:      

الموضوع:

التعليق:






تصميم الموقع: منال صعابنة
| للاتصال بنا: daleeli.site@gmail.com | Copyright © 2007 - 2018, All rights reserved.
       بشكل شخصي وكتير لأ .. - جوجو أبو حميد